Project by top online casinos
28 студзеня 2021 г. у офісе Нацыянальнага Карытас прайшоў Уводны трэнінг па ахове (Safeguarding orientation training), ініцыяваны Catholic Relief Services (CRS).Супрацоўнікі РМ "ДКТ Карытас" падчас трэнінгу разгледзелі асноўную тэрміналогію аховы дзяцей і неабароненых дарослых, засвоілі розніцу паміж паняццямі Safegurding і Protection. Тэарэтычная частка трэнінгу была прысвечана таксама асэнсаванню прымальных і непрымальных форм паводзін супрацоўнікаў, афеляваных асобаў арганізацыі ў адносінах да бенефіцыяраў, згодна з Палітыкай аховы, прынятай Caritas Internationalis.
Практычная частка трэнінгу складалася з вырашэння спрэчных сітуацый, звязаных з рознымі формамі злоўжывання. У ходзе аналізу кейсаў прысутныя разгледзелі спосабы рэагавання ў неадназначных сітуацыях, а таксама вызначылі, што дапушчальна і недапушчальна ў паводзінах супрацоўнікаў паміж сабой і ў адносінах да бенефіцыяраў.
Наступным крокам стане распрацоўка на ўзроўні Нацыянальнага Карытас паўнавартаснага механізму зваротнай сувязі. Спадзяемся, што гэта дасць магчымасць палепшыць камунікацыю паміж прадстаўнікамі Карытас і прадстаўнікамі мэтавых груп, атрымаць дадатковую інфармацыю аб рэалізацыі праектаў, а таксама павісіць якасць і эфектыўнасць дзейнасці арганізацыі.
Апошняе на блогу
У Карытас Беларусь адкрыты дабрачынны рахунак для дапамогі мігрантам
Каталіцкі Касцёл заўсёды побач з тымі, хто знаходзіцца ў патрэбе і ў складаных жыццёвых абставінах.
«Кожны чалавек, незалежна ад таго, адкуль ён родам, для нас ён як сястра ці брат. Да ўсіх людзей, незалежна ад іх паходжання або прычын падарожжа, трэба адносіцца з павагай", - мяркуе дырэктар Карытас Беларусь ксёндз канонік Андрэй Аніскевіч.
