Навіны

1 сакавіка адзначаецца Дзень "Нуль дыскрымінацыі"

Падрабязнасці

Катэгорыя: Навіны

Апублікавана 02.03.2016 11:59

Абноўлена 08.02.2018 19:24

1 сакавіка - дзень «Нуль дыскрымінацыі». У гэты дзень мы святкуем індывідуальнасць і непаўторнасць кожнага.

Дзень «Нуль дыскрымінацыі» - гэта магчымасць аб'яднацца супраць дыскрымінацыі і адзначыць права кожнага жыць з годнасцю паўнавартасным і прадуктыўным жыццём. Пол, нацыянальнасць, узрост, асаблівыя патрэбы, паходжанне, рэлігія, мова, колер скуры або любая іншая прыкмета не павінна быць прычынай для дыскрымінацыі.

Сімвалам нулявой дыскрымінацыі з'яўляецца малюнак матыля як знака пераўтварэнняў.

Падрабязней...

Вернікі парафіі ў Нарачы запрашаюцца да ўдзелу ў дабрачыннай акцыі «Карытас»

Падрабязнасці

Катэгорыя: Навіны

Апублікавана 02.03.2016 11:22

Абноўлена 08.02.2018 19:24

У Год Божай Міласэрнасці Дабрачыннае каталіцкае Таварыства “Карытас” праводзіць велікапосную акцыю “Святло Міласэрнасці”, якая мае на мэце збор сродкаў для тых, хто церпіць голад і нястачу.

Для ўдзелу ў гэтай акцыі нарачанцам дастаткова ў касцёльным кіёску набыць свечку з сімволікай Юбілейнага Года міласэрнасці.

У перыяд Вялікага посту супольны ўдзел у гэтай акцыі- цудоўнае  адлюстраванне пяшчотнага дотыку Бога, якую Ён мае да кожнага з нас.

Падрабязней...

Велікодны кірмаш да Дня "Карытас" прайшоў у Гродзенскай дыяцэзіі

Падрабязнасці

Катэгорыя: Навіны

Апублікавана 29.02.2016 11:07

Абноўлена 08.02.2018 19:24

28 лютага ў Касцёле Найсвяцейшага Адкупіцеля на Дзевятоўцы праходзіў велікодны кірмаш “Карытас 2016”. Падобнага роду кірмашы ў ІІІ Нядзелю Вялікага Посту (Дзень Карытас) праводзяцца штогод, і валанцёры гродзенскага "Карытас" з задавальненнем прымаюць у іх удзел.

Да кірмашу валанцёры падрыхтавалі разнастайныя hand-made вырабы: велікодныя паштоўкі, традыцыйныя свечкі “Карытас”, самаробныя цацкі, а таксама мноства варыянтаў хатняй выпечкі. І што тычыцца выпечкі, у вернікаў яна карысталася вялікім попытам, бо валанцёры ўсю ноч прастаялі ля пліты - ўклалі ўсю душу, каб вырабы ўсім спадабаліся.

Падрабязней...

28 лютага адзначаецца Дзень "Карытас"

Падрабязнасці

Катэгорыя: Навіны

Апублікавана 29.02.2016 08:19

Абноўлена 08.02.2018 19:24

У трэцюю нядзелю Вялікага посту традыцыйна ў Каталіцкім Касцёле ў Беларусі адзначаецца Дзень «Карытас». У гэты дзень ва ўсіх святынях нашай краіны вернікі складаюць дабравольныя ахвяраванні на ўтрыманне дабрачыннага каталіцкага таварыства «Карытас» у Беларусі і моляцца за тых, хто ўтварае гэтую арганізацыю і дапамагае ёй.

Сёння шмат людзей, якія маюць патрэбу ў падтрымцы, часам кавалку хлеба, добрым слове або якіхсьці грошах. Яны не ў стане забяспечыць сабе штодзённае існаванне і аддадзены на волю іншых. Дабрачыннае таварыства «Карытас» у нашай краіне рэалізуе разнастайныя праекты, мэта якіх – аказанне дапамогі менавіта такім людзям, якія з розных прычын апынуліся на ўзбочыне жыцця: адкінутыя, нікому не патрэбныя.

Падрабязней...

Пастырскае пасланне Канферэнцыі Каталіцкіх Біскупаў у Беларусі на ІІІ нядзелю Вялікага посту («Дзень Caritas»)

Падрабязнасці

Катэгорыя: Навіны

Апублікавана 27.02.2016 17:18

Абноўлена 08.02.2018 19:24

«Шчаслівыя міласэрныя,
бо яны міласэрнасць спазнаюць» (Мц 5, 7)

Дарагія браты і сёстры,
працягваючы руку аслабленаму чалавеку, усведамляеш важнасць пачуцця сапраўднай любові ў сваім сэрцы. Ніколі не ведаеш, што можа здарыцца з табой у жыцці, і таму нельга атрымаць гарантыю, што ніколі не апынешся ў сітуацыі жабрака. Прычынай гэтага могуць стаць розныя абставіны: страта працы, жылля, здароўя… Разам з тым наступствы нашых учынкаў дзейнічаюць падобна бумерангу. Так злом вяртаецца да нас здзейснены і не выпраўлены намі грэх. І вялікім дарам ласкі і ўзнагароды знаходзіць нас учыненае велікадушным сэрцам дабро.

Гэтая велікадушнасць чэрпае сваю моц з дару міласэрнасці, якая дазваляе нам мець адкрытыя вочы і далоні на патрэбы іншага чалавека, але галоўным чынам становіцца шляхам, які вядзе нас да паяднання з Богам. Ад кожнага з нас залежыць, дарагія браты і сёстры, наколькі мы дазволім, каб гэты дар у нас дзейнічаў, рэалізуючы ў нашым жыцці словы Хрыста: «Будзьце міласэрнымі, як і Айцец ваш міласэрны» (Лк 6, 36).

Падрабязней...

"Карытас" Мінск запрашае ўсіх жадаючых на семінар па асновам валанцёрства

Падрабязнасці

Катэгорыя: Навіны

Апублікавана 26.02.2016 07:12

Абноўлена 08.02.2018 19:24

Мінскі “Карытас” запрашае жадаючых з парафій Мінска-Магілёўскай архідыяцэзіі да ўдзелу ў семінары па навучанні асновам валанцёрства:

- Пошук валанцёраў, іх сумесная праца са штатнымі супрацоўнікамі;

- Аказанне першай дапамогі;

- Дагляд за ляжачымі хворымі роднымі і суседзямі;

- Праца з дзецьмі да 10 год.

Падрабязней...

«Карытас» Гродна запрашае на велікодную выстаўку-кірмаш

Падрабязнасці

Катэгорыя: Навіны

Апублікавана 25.02.2016 12:27

Абноўлена 08.02.2018 19:24

ІІІ Нядзеля Вялікага Посту традыцыйна адзначаецца як «Дзень Карытас» 

28 лютага з 9.00 да 20.00 у парафіi Найсвяцейшага Адкупіцеля адбудзецца Вялiкодная выстава «Карытас»2016 !

Валанцёры “Карытас” Гродна адмыслова да "Дня Карытас" падрыхтавалi hand-made вырабы, паштоўкi, свечкi, шмат прысмакаў і добрага настрою! 

Ахвяраванні пойдуць на Вялiкодныя ініцыятывы «Карытас». Таксама кожны жадаючы зможа больш даведацца пра дзейнасць арганізацыі!

Шчыра запрашаем!

Дырэктар «Карытас» Пінскай дыяцэзіі сустрэўся з галоўным лекарам Брэсцкага абласнога анкадыспансера

Падрабязнасці

Катэгорыя: Навіны

Апублікавана 24.02.2016 10:03

Абноўлена 08.02.2018 19:24

22 лютага адбылася сустрэча дырэктара дабрачыннага каталіцкага таварыства «Карытас» Пінскай дыяцэзіі кс. Паўла Халяўкіна з галоўным урачом БААД, кандыдатам медыцынскіх навук Канстанцінам Шаляпенем па пытаннях аказання гуманітарнай спонсарскай дапамогі «БААД».

У БААД налічваецца 377 ложкаў, якія пастаянна заняты, назіраецца павелічэнне зваротаў людзей для аказання амбулаторнай медыцынскай дапамогі. У 2015 годзе ў дыспансер звярнулася 88 460 чалавек.

У год, абвешчаны Годам Божай Міласэрнасці, і ў 30-ю гадавіну Чарнобыльскай трагедыі «Карытас» Пінскай дыяцэзіі вырашыў дапамагчы ў лячэнні хворых БААД.

Падрабязней...

Вялікапостныя рэкалекцыі “Карытас”- “Распаўсюджваць місію Хрыста ў свеце, асабліва між сабою”

Падрабязнасці

Катэгорыя: Навіны

Апублікавана 19.02.2016 13:12

Абноўлена 08.02.2018 19:24

З 16 па 18 лютага прайшлі вялікапостныя рэкалекцыі для супрацоўнікаў і валанцёраў “Карытас”. У гэтым годзе ўдзельнікаў ветліва прымаў цэнтр св. Лукі пры Мінска-Магілёўскім “Карытас”. “Толькі Любоў годная веры”- менавіта пад такім дэвізам праходзілі рэкалекцыі, якія прамаўляў айцец Арыюш Малыска OFMCap.

З розных куткоў Беларусі сабраліся супрацоўнікі і валанцёры, каб разам, у духу еднасці і пакоры перажыць час Вялікага Посту. Такія духоўныя практыкаванні сталі ўжо добрай традыцыяй у жыцці “Карытас” у Беларусі.

Падрабязней...

Пасланне Папы Францішка на Сусветны Дзень малітваў аб хворых: вылечваць любоўю Хрыста

Падрабязнасці

Катэгорыя: Навіны

Апублікавана 11.02.2016 09:41

Абноўлена 08.02.2018 19:24

Спадзявацца на Міласэрнага Езуса, як Марыя: «Што скажа Ён вам, то зрабіце»: такая тэма Паслання Папы Францыска на XXIV Сусветны Дзень малітваў аб хворых, апублікаванага 15 верасня, у дзень літургічнага ўспаміну Найсвяцейшай Панны Марыі Балеснай. У цэнтры дакумента знаходзіцца евангельскі аповед пра вяселлі ў Кане, названы Папам «чынам Царквы». Галоўнае набажэнства Сусветнага Дня малітваў аб хворых адбудзецца 11 лютага 2016 года ў Назарэце, дзе «Езус пачаў Сваю выратавальную місію».

Падрабязней...