Навіны

Цэнтр часовага (начнога) знаходжання для бяздомных асобаў у Віцебску атрымаў ад Карытас Віцебскай дыяцэзіі сродкі індывідуальнай абароны

Падрабязнасці

Катэгорыя: Навіны

Апублікавана 07.05.2020 10:56

Абноўлена 07.05.2020 11:08

Цэнтр часовага (начнога) знаходжання для бяздомных асобаў у Віцебску атрымаў ад Карытас Віцебскай дыяцэзіі сродкі індывідуальнай абароны: маскі, пальчаткі, антысэптыкі. Карытас Віцебск сардэчна дзякуюць сябрам з Карытас Лінц (Аўстрыя) за своечасовую дапамогу. Міласэрнасць падчас эпідэміі актуальная як ніколі!

Міласэрнасць — які вялікі сэнс у гэтым, на першы погляд, простым і звычным слове. Аднак толькі чалавек, надзелены гэтым пачуццём, нягледзячы ні на што, гатовы заўсёды прыйсці на дапамогу іншаму, ён спачувае не на словах, а на справе. Згадзіцеся, дабрыню, здольнасць суперажываць трэба выхоўваць з дзяцінства, і не галаслоўна, а на пэўных прыкладах, уласнымі паводзінамі, нейкімі адпаведнымі справамі.

Карытас Віцебск працягвае аказваць дапамогу ў сувязі з каронавірусам

Падрабязнасці

Катэгорыя: Навіны

Апублікавана 05.05.2020 11:42

Абноўлена 05.05.2020 11:44

Карытас Віцебск працягвае дапамагаць патрабуючым у нялёгкім часе эпідэміі. Былі закуплены прадукты харчавання, медыцынскія маскі і сродкі дэзінфекцыі для шматдзетных, малазабяспечаных сем'яў і сем' яў, якія выхоўваюць дзяцей з інваліднасцю, з Віцебскай дыяцэзіі. Карытас Віцебск выказвае шчырую падзяку партнёрам з Карытас Прага за своечасовую дапамогу і салідарнасць.

Дабрачыннае каталіцкае таварыства Caritas Мінска-Магілёўскай архідыяцэзіі заахвочвае да актыўнага супрацоўніцтва ў арганізацыі тэрміновай дапамогі ў перыяд пандэміі каранавірусу

Падрабязнасці

Катэгорыя: Навіны

Апублікавана 04.05.2020 13:38

Абноўлена 04.05.2020 13:39

У межах адпаведнага праекта Карытас мае магчымасць аказаць разнастайную дапамогу медыцынскім і сацыяльным установам, валанцёрскім рухам, асобным грамадзянам, якія аказаліся ў цяжкай жыццёвай сітуацыі ў сувязі з пандэміяй. Caritas можа бязвыплатна дапамагчы дробным медыцынскім інвентаром, сродкамі індывідуальнай абароны, асабістай гігіены, дэзінфекцыі, прадуктамі харчавання і інш.
Вы можаце аказаць каштоўнае садзейнічанне ў змаганні з каранавіруснай інфекцыяй рознымі спосабамі.
Магчымая інфармацыя, якая патрэбна:
1. Патрэбы медыцынскіх устаноў, размешчаных на тэрыторыі Вашай парафіі. Таксама пры неабходнасці патрэбы сацыяльных устаноў (тэрытарыяльныя сацыяльныя цэнтры, карэкцыйныя цэнтры, дзіцячыя дамы і школы-інтэрнаты, дамы састарэлых).
Спіс з назвай установы і колькасцю расходных сродкаў, неабходных на адзін месяц працы (напрыклад: маска — 500 шт. і г.д.)
2. Патрэбы валанцёрскіх груп альбо іншых рухаў Вашай парафіі, дзейнасць якіх накіравана на апеку людзей, якія ў дадзены момант вымушаны знаходзіцца на самаізаляцыі (хворых, пажылых, самотна пражываючых і інш.).
Спіс валанцёраў і сродкаў індывідуальнай абароны для валанцёраў на адзін месяц працы — колькасць масак, пальчатак, сродкаў дэзінфекцыі.
3. Спіс патрабуючых людзей, якім мы маглі б перадаць адрасную дапамогу ў выглядзе прадуктаў харчавання, вітамінаў, сродкаў дэзінфекцыі.
Адрасная дапамога можа быць перададзена малазабяспечаным грамадзянам, інвалідам, пенсіянерам, шматдзетным, няпоўным, апякунскім і прыёмным сем'ям, а таксама грамадзянам, якія апынуліся ў цяжкім жыццёвым становішчы. Пры гэтым рэлігійная прыналежнасць грамадзян не з’яўляецца ўмовай для атрымання дапамогі.

Падрабязней...

Карытас Мінск звяртаецца да вас!

Падрабязнасці

Катэгорыя: Навіны

Апублікавана 04.05.2020 13:27

Абноўлена 04.05.2020 14:05

Зварот ад Карытас Мінск: 
"Сябры, калі ў вас ёсць дома тканіна, якая вам не патрэбна - мы з радасцю ў вас яе прымем для пашыву масак.
Як паказвае практыка, ініцыятыва вельмі актуальная і запатрабаваная.

Вялікі дзякуй нашым валанцёрам, якія за апошнія 10 дзён пашылі каля 4000 тыс. масак.
Больш за палову мы ўжо раздалі медыцынскім установам і патрабуючым.Таксама частка сродкаў абароны выкарыстоўваецца дзецьмі і бацькамі Дзіцячага цэнтра "Caritas" у Ляскоўцы.
На гэтым тыдні ў нас запланаваны паездкі ў медыцынскія і сацыяльныя ўстановы - маскі разыйдуцца вельмі хутка. Таму тканіна вельмі патрэбна!

Перадаць можна праз адміністратара ў Дзіцячы дабрачынным цэнтр "Caritas" у Ляскоўцы (Бараўляны, вул. Карытас, 1), альбо тэлефануйце +37544 568 93 96 Дзмітрый Мельнікаў - можам прыехаць і асцярожна забраць.
---------------------
Зрабіць ахвяраванне на закупку матэрыялу для пашыву масак можна праз сістэму "Разлік (АРІП)" (нумар паслугі 4349831)

Дзякуй усім вам, дарагія, за падтрымку!"

Вялікі вам дзякуй! На сённяшні дзень мы ўжо сабралі 19 500 рублёў

Падрабязнасці

Катэгорыя: Навіны

Апублікавана 27.04.2020 10:53

Абноўлена 27.04.2020 11:51

Кс. Віталій Дабраловіч, дырэктар Caritas Беларусь:

«Праўду кажу вам: як што зрабілі вы гэта аднаму з братоў Маіх меншых, дык зрабілі Мне» (Мц 25:40)

Словы з Евангелля вельмі добра акрэсліваюць рэалізацыю нашага хрысціянскага і проста чалавечага паклікання на гэтай зямлі. Асабліва актуальна гэта сёння, падчас пандэміі, якой церпяць як хворыя, так і медыкі, якія мусяць працаваць у некалькі разоў больш, чым звычайна, каб уратаваць жыццё пацярпеўшым ад каронавіруса.

Многія з нас ужо рознымі спосабамі імкнуцца дапамагчы ў барацьбе з Covid-19. Аднак практыка жыцця паказвае, што найбольш эффектыўным вынікам у любой справе з’яўляецца арганізацыя сумеснага асягнення мэты. Таму Каталіцкі Касцёл, выкарыстоўваючы ўсе свае магчымасці, спрычыняецца да сбору сродкаў, каб дапамагчы тым, хто стаіць на першай лініі абароны – нашым медыкам, а Caritas Беларусь адкрыў спецыяльны рахунак і доступ праз АРІП да складання ахвяраванняў.

Вы, дарагія “самарыцяне”, ўжо пералічваеце на гэты рахунак сваю фінансавую дапамогу і за гэта вам вялікая падзяка. Мы, святары, молімся не толькі за хворых, медыкаў, але і за вас, дарагія ахвярадаўцы. На сённяшні дзень дзякуючы вам мы ўжо сабралі 19 500 рублёў!

Гэты час важны для нас у выпрабаванні нашай веры і Хрыстовай салідарнасці нашых адчыненых сэрцаў. Жадаю кожнаму з вас моцнай веры і Божага благаслаўлення. Асаблівым чынам дзякую вам, шаноўныя супрацоўнікі медыцыны, за тое, што не разважаеце ў гэты момант аб уласным супакоі і камфорце, але выконываеце аддана сваё пакліканне ў ратаванні людзей ад смерці.

Бог палюбіў нас і прыкладам сваім вучыць нас любіць свайго бліжняга.

Міласэрнасць не ідзе на каранцін

Падрабязнасці

Катэгорыя: Навіны

Апублікавана 22.04.2020 10:49

Абноўлена 22.04.2020 11:34

«Дабро не ляжыць на дарозе, яго выпадкова не падбярэшь. Дабру чалавек у чалавека вучыцца» (Чынгіз Айтматаў). У 21 стагоддзі, стагоддзі перанасычэння інфармацыяй, калі са дня ў дзень чалавек знаходзіцца ў патоку руцінных спраў і штодзённай мітусні, часам мы не заўважаем тых хвілін радасці, дабрыні і клопату, у якіх мае патрэбу кожны чалавек. Сям'я, блізкія, сябры... Мы заўсёды гатовы прыйсці ім на дапамогу, падставіць плячо, аказаць падтрымку, а часам і проста патрымаць за руку, каб чалавек адчуў цяпло і давер, адчуў сябе патрэбным, адчуў сілу веры ў сябе, у сяброўства, у каханне.

Падрабязней...

Каталіцкі Касцёл працягвае збор ахвяраванняў дзеля набыцця неабходных установам аховы здароўя абсталявання і медыцынскіх вырабаў

Падрабязнасці

Катэгорыя: Навіны

Апублікавана 20.04.2020 19:40

Абноўлена 27.04.2021 21:26

Каталіцкі Касцёл працягвае збор ахвяраванняў дзеля набыцця неабходных установам аховы здароўя абсталявання і медыцынскіх вырабаў.
Залічэнне сабраных сродкаў належыць здзейсніць на спецыяльна адкрыты для гэтага рахунак Карытас Беларусь. Аказаць дапамогу можа кожны, хто жадае далучыцца да акцыі: святар, кансэкраваная асоба, свецкі вернік.

Мы верым, што разам значна лягчэй перамагчы гэты цяжкі вірус! Усяго за 5 дзён мы разам, паважаныя сябры, ужо сабралі звыш 10000 рублёў!

Падрабязней...

Шукаем юрыста!

Падрабязнасці

Катэгорыя: Навіны

Апублікавана 17.04.2020 13:42

Абноўлена 22.04.2020 10:51

Дабрачынная арганізацыя Caritas Беларусь запрашае на працу юрыста.
Арганізацыі Caritas працуюць у 160 краінах свету ўжо больш за 100 гадоў.
Нацыянальная арганізацыя Caritas Беларусь прытрымліваецца высокіх стандартаў якасці аказання дапамогі людзям, якія жывуць у нястачы, у адпаведнасці з місіяй, бачаннем, стратэгіяй Caritas Intarnationalis.
Мы працуем з грантавымі праектамі, якія з'яўляюцца ўнікальнымі ў сваім родзе, маюць высокую сацыяльную значнасць для ўсяго беларускага грамадства і людзей, якім мы дапамагаем. У той жа час нашы сацыяльныя праекты дазваляюць раскрыць патэнцыял супрацоўнікаў і паспрабаваць сябе ў розных прафесійных сферах.
Запрашаем у нашу каманду юрыста.

Падрабязней...

Зварот ККББ да святароў, кансэкраваных асобаў і вернікаў

Падрабязнасці

Катэгорыя: Навіны

Апублікавана 16.04.2020 12:30

Абноўлена 22.04.2020 10:52

Належыць прачытаць у Нядзелю Божай Міласэрнасці

Паважаныя святары, кансэкраваныя асобы, дарагія браты і сёстры ў Хрысце Пану!

У гэтыя дні Касцёл святкуе Пасху – перамогу Езуса Хрыста над смерцю. Але святкаванне сёлета не такое, як звычайна: яно азмрочана падзеямі, звязанымі з сусветнай пандэміяй. Мы бачым, як мала людзей на вуліцах і ў святынях – яны вымушаны заставацца дома на самаізаляцыі, клапоцячыся пра сваю і іншых бяспеку.

Падрабязней...

Супрацоўнікі Карытас Мінск шыюць маскі для шматразовага выкарыстання

Падрабязнасці

Катэгорыя: Навіны

Апублікавана 16.04.2020 10:13

Абноўлена 27.04.2021 21:26

Сябры, супрацоўнікі Карытас Минск закупілі тканіну і пачалі шыць маскі для шматразовага выкарыстання.
Гатовыя маскі пойдуць на патрэбы медыцынскіх устаноў, пажылых, людзям без пэўнага месца жыхарства, сацыяльным работнікам і валанцёрам.

Па выніках працы мы будзем трымаць вас у курсе.
Акрамя гэтага, калі ў вас ёсць магчымасць аказаць ВАЛАНЦЁРСКУЮ ДАПАМОГУ ў пашыве медыцынскіх масак у ХАТНІХ УМОВАХ - мы гатовы прадаставіць і прывезці неабходны матэрыял для працы.
Таксама будзем рады прыняць тканіну, якую можна будзе перадаць адміністратару ў Дзіцячы дабрачынным цэнтр "Caritas"
у Ляскоўцы (Бараўляны, вул. Карытас, 1).

Па ўсіх пытаннях:+37544 568 93 96 Дзмітрый Мельнікаў.

Падрабязней...